09 апреля 2008 г.
Апрелĕн 6-мĕшĕнче районта республикăри ташă ăстисен зонăри “Сывă-и, тĕнче!” фестивалĕ пулнă.
Унта Элĕк, Етĕрне, Вăрнар, Муркаш районĕсенчи ташă коллективĕсем килсе çитнĕ, хăйсен пултарулăхĕпе савăнтарнă. Фестивальре район чысне культурăпа кану центрĕ çумĕнче йĕркеленнĕ “Колибри” (ертÿçи Н.Храмова) халăх ансамблĕ тата Штанашри “Ария” (ертÿçи Н.Майоров) ташă ушкăнĕ хÿтĕленĕ.
Жюри членĕсем ял ачисемпе çамрăксен ташă ăсталăхĕ иксĕлми пулнине, хореографи коллективĕсен ертÿçисем халăхăн культура шайне çĕклессишĕн ырми-канми тăрăшнине палăртнă. Фестиваль çĕнтерÿçисем Республика кунĕнче иртекен пысăк концерта хутшăнма ирĕк çĕнсе илеççĕ.
Источник: "Пирěн пурнăç"