29 августа 2007 г.
Яланах телейпе савăнăç илсе килет. Çут тĕнчене тепĕр пепке парнелеме шикленмен ача амăшĕсем вара чăннипе те тав сăмахне тивĕç. Патшалăх та кăçалтан пуçласа хĕрарăмсене ача çуратнăшăн укçа парса хавхалантарать. Президент, “Единая Россия” парти тăрăшнипе хĕрарăм çут тĕнчене çĕнĕ çын парнеленине хаклама, амăшĕн капиталĕн сертификатне пама пуçларĕç. Тури Çĕрпÿкасси ялĕнче пурăнакан Полина Романова та августăн 18-мĕшĕнче, район центрĕнчи уявра, сертификатлă пулчĕ. Полинăпа Виталий Романовсем - туслă мăшăр, пĕр-пĕрне хисеплеççĕ вĕсем. Çак çемьере 4 ача ÿсет. Асли 15 çулта ĕнтĕ, кĕçĕнни кăçалхи май уйăхĕнче çеç çуралнă. Полинăпа Виталий Романовсем патшалăх ачаллă çемьесене пулăшу панипе кăмăллă. “Çуратăр, çамрăк мăшăрсем, йывăрлăхсенчен ан хăрăр”, - теççĕ вĕсем.
Источник: "Пирěн пурнăç"