14 июня 2007 г.
Июнĕн 7-8-мĕшĕсенче Пăрачкав районĕнчи “Маяк” хуçалăхра дояркăсемпе техник-осеменаторсен республикăри конкурсĕ иртнĕ.
Район чысне “Коминтерн” ЯХПК-ри Р.Зосимова дояркăпа “Санкинский” хуçалăхри Р.Задонская осеменатор хÿтĕленĕ. Çăмăл мар тупăшура ферма ĕçченĕсем хăйсен пĕтĕм ăсталăхне кăтартнă. Тăрăшни сая кайман. 23 доярка хушшинче Роза Зосимова çĕнтерÿçĕ ята тивĕçме пултарнă, I-мĕш вырăна тухнă, хаклă парне - тĕрлĕ тĕслĕ кăтартакан телевизор çĕнсе илнĕ. Çапла, Р.Зосимован пултарулăхĕ те, пĕлĕвĕ те, ĕç опычĕ те конкурсра çĕнтерме çителĕклех. Эпир санпа мухтанатпăр, Роза!
Источник: "Пирěн пурнăç"