03 марта 2007 г.
Çул-йĕр çинчи инкексем водительсене пула анчах мар, çуран çÿрекенсен айăпĕпе те чылай пулаççĕ. Акă, нумай пулмасть «Элĕк - Кив Атикасси - Сура» автоçул çинче Хусанушкăнчи тĕп шкулта 6 класра вĕренекен Ольга Храмовапа инкек пулнă - хĕр ачана машина çапса хăварнă. ВАЗ-21083 автомашина водителĕ, Шупашкар çынни, çулпа йĕркеллех пынă. Ăнсăртран трасса çине хĕр пĕрчи сиксе тухнă, çул урлă васкаса чупса каçма шутланă. Анчах çул-йĕр тимсĕрлĕхе каçармасть çав, хĕр пĕрчи инкек тÿснĕ. Суранланнă хĕр ачана больницăна леçнĕ, унтан - республикăри ача-пăча медицина центрне.
Çул-йĕр хăрушсăрлăх инспекцийĕ ашшĕ-амăшĕсене, педагогсене ачасене çул çине тухсан асăрхануллă пулмалли çинчен вĕрентме сĕнет.
Источник: "Пирěн пурнăç"