Публикации » Министр район хаçачĕпе кăмăллă

15 сентября 2014 г.

Сентябрĕн 11-мĕшĕнче Чăваш Республикин Информаци политикин тата массăллă коммуникацисен министерствин ертỹçи Валентина Андреева пирĕн района ĕçлĕ визитпа килсе кайрĕ. Валентина Андреева район пуçлăхĕпе Александр Степановпа, райадминистрацин пуçлăхĕпе Александр Башкировпа тата администраци ĕçченĕсемпе тĕл пулчĕ. Район ĕçĕ-хĕлĕ пирки сăмах пуçарнă май республикăри ĕç тăвакан тата вырăнти хăй тытăмлăх органĕсем патшалăх тата муниципалитет пулăшăвĕ панă чух ведомствăсем хушшинчи электронлă çыхăну тытăмĕнче мĕнле ĕçленине тишкерчĕ. Валентина Владимировна каланă тăрăх, Хĕрлĕ Чутай районĕ ку тĕлĕшпе аван ĕçлесе пырать. Валентина Андреева тата район администрацийĕн пуçлăхĕ Александр Башкиров асăннă министерствăна пăхăнса тăракан "Хĕрлĕ Чутай районĕн "Пирĕн пурнăç" хаçат редакцийĕ" хăй тытăмлă учреждение çитсе курчĕç. Редакци ĕç-хĕлĕпе тĕплĕн паллашнă май кунти ĕçченсемпе тĕл пулса калаçрĕç. Валентина Андреева министр "Пирĕн пурнăç" хаçат редакцийĕн коллективĕн ĕçĕ-хĕлĕпе кăмăллине, унăн тиражĕ районта пурăнакансен шутне кура республикăра пысăккисенчен пĕри пулнине палăртрĕ. Райхаçатра кун çути куракан материалсем тулли, пуян содержаниллĕ пулнине каларĕ, сĕнỹсем пачĕ. Хамăр инф.

Источник: "Пирěн пурнăç"