Публикации » Е çулталăклăх, е контрактпа

22 октября 2014 г.

Хальхи вăхăтра кĕрхи призыв тапхăрĕ пырать. Çĕнĕ çулччен республикăри пин ытла каччăна çара ăсатма палăртаççĕ. Кăçалхи призыв унчченхинчен каллех кăшт уйрăлса тăрать. Сăмахран, салтака каймалли аслă пĕлỹллĕ яш-кĕрĕмĕн çарта мĕн чухлĕ пулассине суйлама ирĕк пур: çулталăк е контракт мелĕпе икĕ çул. 2014 çулхи сентябрĕн 1-мĕшĕнчен Раççейĕн çар кафедрисенче студентсене тĕп пĕлỹпе пĕрлех çар пĕлĕвне те пама тытăннă. Чăваш Енре ун пек кафедрăсем халĕ çук ĕнтĕ, анчах республикăран тухнă çамрăксен, тĕслĕхрен, Чулхулара вĕренекенсен, çĕнĕ программăна лекме шанчăк пур. Пĕлỹ илнĕ вăхăтра вĕсем теори курсне вĕренеççĕ. Ăна пĕтерсен квалификаци экзаменĕ тытаççĕ. Ăнăçлă хỹтĕлесен ятарлă званипе саппаса илеççĕ. Енчен экзамен тытаймасан вĕсене пĕтĕмĕшле йĕркепе çара илĕç. А.ЗАМУТКИНА.

Источник: "Пирěн пурнăç"