11 ноября 2013 г.
Район администрацийĕн ЗАГС пайĕ кăçалхи вунă уйăх хушшинче граждансен 583 актне регистрациленĕ. Вĕсенчен 145-шĕ ача çуралнипе, 298-шĕ çын вилнипе çыхăннă. Çак хушăра пĕтĕмпе 79 мăшăр çемье çавăрнă, 41-шĕ уйрăлса кайнă. 18 çын ашшĕ ятне тавăрнă, иккĕн ят улăштарнă.
Октябрь уйăхĕнче районта 13 ача çут тĕнчене килнĕ: вĕсенчен ултă арçын ача тата çичĕ хĕр ача. Вилекенсен шучĕ вара темиçе хут пысăкрах – 42 çын. Çавăн пекех çак уйăхра сакăр çемье чăмăртаннă, виççĕ арканнă.
А.ЗАМУТКИНА.