14 октября 2013 г.
Çĕр-шывра октябрĕн 1-мĕшĕнчен çар ретне илмелли тапхăр пуçланчĕ.
Çакăн çинчен калакан официаллă хушăва РФ Президенчĕ Владимир Путин алă пуснă. Унпа килĕшÿллĕн çар ретне18 çул тултарнă тата 27 çула çитмен çамрăксене илеççĕ. Кĕрхи призыв тапхăрĕнче çĕр-шыври 150 пин, районти 28 каччă службăна тăмалла.
Кăçал çар тивĕçĕсем çинчен калакан саккуна улшăнусем кĕртнĕ. Хăшĕсем сентябрĕн 1-мĕшĕнчен вăя кĕнĕ, ытларахăшĕ 2014 çулхи январĕн 1-мĕшĕнчен пурнăçланма тытăнĕ. Пур улшăну та çар службин сумĕпе витĕмлĕхне тата илĕртÿллĕхне хăпартассипе çыхăннă.
Çавăн пекех январьтен çар вăйĕсенчи çарпа врач экспертизин çĕнĕ положенийĕ вăя кĕрет. Малтанах комисси призывниксен çара юрăхлăхне 89 статьяпа пăхса палăртнă пулсан халĕ список икĕ хут кĕскелнĕ.
А.Замуткина
Источник: "Пирěн пурнăç"