Нумай ачаллă çемьесем, 3-мĕш, 4-мĕш е ун хыççăнхи ача амăшĕсем, республикăн амăшĕн капиталне тивĕçеççĕ тата Чăваш Республикин Пуçлăхĕн Указĕпе килĕшÿллĕн уйăхсерен пĕр ачана пурăнма кирлĕ чи пĕчĕк виçе чухлĕ укçан пулăшу илсе тăраççĕ – 5 пин ытла тенкĕ.

Çак тÿлеве илсе тăрас текенсен халăха социаллă пулăшупа тивĕçтерекен центрăн вырăнти уйрăмне çитсе кирлĕ документсене тăратмалла:

- заявлени;

- çыннăн ĕнентерÿ докуменчĕн (паспорт) тата ăçта пурăннине çирĕплетекен хучĕн копийĕсем;

- çемье тытăмĕ çинчен калакан справка;

- çемьери ачасем çуралнине çирĕплетекен свидетельствăсен копийĕсем;

- çемье членĕсен ултă уйăхри тупăшĕсене палăртакан сведенисем;

- заявлени тăратаканăн хушаматне улăштарнине ĕнентерекен документсен копийĕсем (енчен те хушаматне улăштарнă пулсан).

Тĕплĕнрех ыйтса пĕлес текенсем 2-11-43 телефонпа шăнкăравлама пултараççĕ.

Çулталăк пуçланнăранпа паянхи куна районта виççĕмĕш тата ун хыççăнхи икĕ ача çуралнине регистрациленĕ. Районти социаллă хÿтлĕх пайĕнчен пĕлтернĕ тăрăх, çемьере 2013 çулхи январĕн 1-мĕшĕнчен пуçласа виççĕмĕш е ун хыççăнхи ача çуралсан, енчен те çемьен çын пуçне лекекен вăтам тупăшĕ 13470 тенкĕрен иртмест пулсан, вĕсем уйăхсерен паракан çак пулăшăва тивĕçеççĕ. Ку нухрата ача çуралнă уйăхран пуçласа вăл виçĕ çула çитиччен параççĕ.