Публикации » Акатуя - федераци каналĕсемпе

"Известия" хаçат пĕлтернĕ тăрăх Раççей правительстви халăхсем хушшинчи хутшăнăва çирĕплетес тата хирĕçÿлĕхе пĕчĕклетес тĕллевпе федераци телеканалĕсенче Раççейре пурăнакан халăхсен культурине çутатакан фильмсене сĕнесшĕн.

Унсăр пуçне "ТВ-Центр" тата "Мир" каналсемпе тÿрĕ эфирта Сабантуя (çав шутра чăвашсен Акатуйне те), Курбан-байрама, Мэрцишора, Навруза тата ытти уява кăтартмалла иккен. Христиансен уявĕсем валли те эфирта вăхăт ытларах уйăрмалла. Çавăн пекех ăс-тăн вăййисенче те халăхсен культурипе паллаштаракан ыйту шучĕ ÿсмелле. "Своя игра" продюсерĕ Сергей Пехлецкий пĕлтернĕ тăрăх вĕсем патне кунашкал хушу çитмен-ха, çапах та ку кăларăмра тĕрлĕ халăх культурипе çыхăннă ыйту унччен те сахал мар пулнă.

Мĕнех, Акатуя та пулин федераци каналĕсемпе кăтартсан пирĕн халăх пирки Раççей çыннисем ытларах пĕлĕç.