Публикации » Шанăç телефонĕ

Кашни çыннăнах, çамрăк-и вăл е çитĕннĕ, пурнăçра хăвна-хăв çĕнтерме йывăр самантсем пулма пултараççĕ – çывăх çынна çухатни, йывăр чир, çемье конфликчĕ, телейсĕр юрату тата ытти те. Ун пек чухне камран та пулса пулăшу илни кирлĕ. Анчах сана ăнланакан пур чухне те юнашар пулмасăр та пултарать. Çавăнпа кунашкал самантсенче шанăç телефонĕ пысăк пулăшу пама пултарать. Чăваш Енре эрнере 7 кун талăкра 24 сехет 8 800 100 49 94 номерпе Пĕрлĕхлĕ шанăç телефонĕ тÿлевсĕр ĕçлет.

Телефон – анонимлă, консультанта эсир те курмастăр, вăл та сире курмасть. Психолог патĕнче пулнă пек куçăн курăнма та кирлĕ мар, асăннă телефон номерне çеç наборламалла. Вара сире итлĕç, пулăшма тăрăшĕç. Çăлăнăçсăр лару-тăру пулмасть.