Публикации » Йывăç ларт та ăна упра

Çак ятпа кăçалхи сентябрĕн 25-мĕшĕнчен пуçласа октябрĕн 10-мĕшĕччен республикăри акцийĕн кĕрхи тапхăрĕ иртĕ.

Ăна Чăваш Республикин Вĕренÿ министерствин "Шкул тулашĕнчи ĕçсен "Эткер" центрĕ" йĕркелет. Акцие шкул ачисем, вĕрентекенсем, ача-пăчасен тата çамрăксен обществăлла организацийĕсем хутшăнма пултараççĕ. План тăрăх акци темиçе направленипе иртĕ: шкул питомникĕсене йĕркелесси тата вĕсенче вăрманти ÿсен-тăран культурисене, йывăçсене тата тĕмсене лартасси. "Эпĕ йывăç лартрăм!" сочиненисен конкурсĕ те пулĕ.

Сочиненисене тата отчетсене октябрĕн 15-мĕшĕччен çак адреспа, электронлă почтăпа, ярса памалла: etker-eko@yandex.ru.

Ĕçсене критерисене пăхса хаклĕç: питомникра пĕтĕмĕшле лартнă тата чĕрĕлнĕ хунавсен шучĕ, çак ĕçе хутшăннă вĕренекенсен хисепĕ; йывăçсен тата тĕмсен шучĕ, лартакансен хисепĕ.

Мероприятие хутшăннă вĕренÿ учрежденийĕсемпе йĕркелÿçĕсене дипломсем парса чыслĕç, çĕнтерÿçĕсене – парне. Сочиненисен конкурсĕн çĕнтерÿçисем те дипломсене тивĕçĕç.