Публикации » Ача усрава илнĕшĕн

Ача усрава илекенсен шучĕ пирĕн республикăра çулсеренех чакса пырать. 2008 çулта 107 ача çемьесенче хÿтлĕх тупнă, 2009 çулта – 90, 2010 çулта – 80, 2011 çулта – 63, кăçалхи майăн 1-мĕшĕ тĕлне – 12. Пирĕн республикăри ачасене ытларах ют çĕр-шывра пурăнакансем усрава илеççĕ (51 процент). Чăваш Ен пепкисем Америка, Итали тата Испани çемйисене вырнаçаççĕ.

ЧР Вĕренÿ министерстви палăртнă тăрăх малашне ача усрава илнĕшĕн патшалăх пĕр хутчен 300 пин тенкĕ укçа парса пулăшĕ. Ăна 2015 çултан пама пуçлаççĕ. Ача çурчĕсенче, шкул-интернатра пурăннăшăн пĕр ачашăн çулталăкра вăтамран 350 пинрен пуçласа 600 пин таран укçа тăкакланать. Хавхалантару мелĕ çемьесене пулăшу кÿрессе шанать министерство.