Публикации » Фактсем

• Республика Пуçлăхĕ Михаил Игнатьев 2012 çулхи августăн 3-мĕшĕнче "Чăваш Республикин Пуçлăхĕ çумĕнчи Экономика канашĕ çинчен" Указа алă пуснă.

• Чăваш Енре 100 ытла çамрăк врач "Земство тухтăрĕ" программăна хутшăнать.

• Республикăри 350 çамрăк çемье федераллă программăпа хайĕн çурт-йĕрне лайăхлатĕç, ку енĕпе республикăна федераци бюджетĕнчен 57,4 млн тенкĕ çитнĕ тата ун çумне республика бюджетĕнчен 70,81 млн тенкĕ, муниципалитетсем 39,5 млн тенкĕ хушĕç.

• Чăваш Ен бюджетĕнче кăçал ял хуçалăх культурисене – нумай çул ÿсекеннисене тата çулсерен акаканнисене – страхлама кайнă тăкаксене саплаштарма 156 млн тенкĕ уйăрма пăхнă, çав шутра федераци укçи 144,2 млн, республикăн 11,8 млн тенкĕ. Августăн 6-мĕшĕ тĕлне федераци бюджетĕнчен – 57,5 млн, республика хыснинчен 3 млн тенкĕ куçарнă.

• Раççей Ял хуçалăх министерствине 2012 çулхи виççĕмĕш кварталта предприятисен тухăçне страхлама кайнă тăкаксене саплаштарма 59,5 млн тенкĕ куçарма ыйтса хушма заявка тăратнă.