Публикации » «Трактор» уйăхлăх пырать

Чăваш республикин патшалăх техника асăрхавĕн планĕпе тата республикăн Шалти ĕçсен министерствин çул-йĕр хăрушсăрлăх инспекцийĕн хушăвĕпе килĕшÿллĕн августăн 1-31-мĕшĕсенче район территорийĕнче "Трактор" уйăхлăх иртет.

"Трактор" операцие ял тăрăхĕсенчи хăй тĕллĕн çÿрекен техникăна (пĕчĕк тракторсене, снегоходсене, квадрациклсене) шута илес, тракторсемпе вĕсен прицепĕсен, строительство тата çул-йĕр ĕçĕсем тунă чухне усă курмалли хăй тĕллĕн çÿрекен техникăн юсавлăхне тĕрĕслес, нормăсемпе правилăсене пăсакансене тупса палăртас тĕллевпе ирттереççĕ.

2011 çулта ирттернĕ уйăхлăх-операци çакна кăтартса пачĕ: машина хуçисен 17 проценчĕ хăй тĕллĕн çÿрекен техникăна регистрацилемест, техника тĕрĕслевĕ витĕр тухмасть, юсавсăр машинăсемпе усă курать, тракторист-машинист удостоверенийĕсĕр çула тухать. Тĕрĕсленĕ хăй тĕллĕн çÿрекен 78 машинăпа прицепран пĕлтĕр 5-шĕпе патшалăх регистрацине, 7-шĕпе техника тĕрĕслевĕ витĕр тухмалли правилăсене пăсса усă курнă, 12-шĕ юсавсăр пулнă. Виçĕ трактористăн документсем çинче техникăпа çÿреме юранине палăртни пулман. Нормăсемпе правилăсене пăснăшăн 8 çынна административлă явап тыттарнă.