Публикации » 5 кунра туртма пăрахнă

«Пирус туртма пăрахсан манăн кăмăл лайăхланчĕ, чĕре хыпăнма пăрахрĕ», – тенĕ хăй вăхăтĕнче вырăс çыравçи А.П.Чехов.

Кăмал-туйăм лайăхланнине халĕ пирус туртма пăрахакансенчен те илтме пулать. Акă пĕр палланă çын 5 кун хушшинче туртма пăрахнине çирĕплетет.

Ир тăрсанах шыв ĕçмелле, уçă сывлăшра пулма тăрăшмалла, улма-çырлапа апатланмалла, ун сĕткенне ĕçмелле. Туртас килнĕ вăхăтра сăмсапа вăрăммăн сывласа илмелле те тутапа хăвăрт сывласа кăлармалла. Çакăн пек 30 хут тумалла, 1 минут кансан тата 4 хут çав упражнениех пурнăçламалла. Эрех-сăра ĕçес çук. Мĕншĕн тесен çав кунсенче организм токсинсенчен хăтăлать.

Ытти кунсенче те çаплах çăмăл апатпа пурăнмалла. Ку вăхăта пирус сахал аса килет. Шăршăсене, апат тутине аван туйма пуçлатăн. 4-мĕш кунра хăвна çирĕп туятăн, вăй хушăнни сисĕнет иккен. Пируспа туслă юлташсенчен аякра çÿремелле. Юлашки куна мĕнле те пулин тÿссе ирттермелле, кайран вăл пач аса та килмĕ.