Публикации » Августăн 11-мĕшĕнче – уяв

Кăçал район 85 çул тултарать, Хĕрлĕ Чутай сали – 430 çул, Чутай чиркĕвĕ – 210 çул, Петĕр Ялкир çуралнăранпа – 90 çул.

Уявсене чыслăн ирттерес тесе район администрацийĕн пуçлăхĕн йышăнăвĕпе килĕшÿллĕн ятарлă комисси туса хунине, комисси членĕсем маларах асăннă уявсене пĕр кунта – июлĕн 28-мĕшĕнче – ирттерме палăртнине хаçатра пĕлтернĕччĕ. Анчах та иртнĕ эрнере комисси членĕсем хĕле хатĕрленмелли хĕрÿ тапхăр пынă май ĕç çыннисен вăхăтне перекетлес, пĕр уйăхра темиçе уяв ирттерес мар тата пĕр кунтах уявсене чыслăн паллă тăвас, çавăн пекех çав кунах спорт комплексне те уçас тесе район праçникне августăн 11-мĕшĕнче Пĕтĕм Раççейри физкультурниксен кунĕнче уявлама йышăннă.