Публикации » Кашни çиччĕмĕшĕн – машина

Иртнĕ çулта Чăваш Енре пурăнакансен 216 пин автомобиль шутланнă. Ку кăтарту 2010 çулхинчен 7 процент ытларах, юлашки пилĕк çулта вара автомобильсен шучĕ1,4 хут ытларах ÿснĕ. Çынсен аллинче ытларах – 86 процент – çăмăл автомашина, груз турттармалли – 12 процент, автобус – 2 процент.

Уйрăмах автомобильсемпе Шупашкар, Улатăр, Çĕмĕрле хулисемпе районĕсенче тата Çĕнĕ Шупашкарпа Патăрьел районĕнче пурăнакансем пуян.

2011 çулта 1000 çын пуçне 150 автомобиль лекнĕ, е кĕскенрех каласан, кашни çиччĕмĕшĕн машина пулнă. 2010 çулта 1000 çын пуçне 139 машина шутланнă, пилĕк çул каялла вара республикăра пурăнакан кашни вуннăмĕш çыннăн автомобиль пулнă.