Публикации » Йăлтах хатĕр пулĕ

Правительство çуртĕнче ЧР Министрсен Кабинечĕн Председателĕ И.Моторин ертсе пынипе Республика кунне хатĕрленсе ирттерес ыйтупа йĕркелÿ комитечĕн ларăвĕ иртнĕ. Унта тăватă тĕп ыйтăва пăхса тухнă.

"Тĕп новацисен вăхăчĕ" V экономика форумне хатĕрленни çинчен экономика аталанăвĕн, промышленноçпа суту-илÿ министрĕ А.Табаков каласа кăтарнă. Форум июнĕн 22-23-мĕшĕсенче пулать. Раççей Пĕтĕм тĕнчери суту-илÿ организацине кĕни, пĕчĕк тата вăтам предпринимательлĕхе аталантарни, инноваци ĕçĕ-хĕлĕ тата ытти ыйтупа конференцисем, семинарсем, "Çавра сĕтелсем" ĕçлĕç. Форума çĕр-шыври ятлă-сумлă экспертсем хутшăнĕç.

Наци библиотекинче интереслĕ курав йĕркелеме палăртнă.

Пĕтĕм тĕнчери фейерверксен фестивалĕ икĕ куна пырĕ. Çĕнĕлĕх кĕртнĕ – ăна кĕвĕ-çемĕпе илемлетĕç. Уяв хăнисене виçĕ тĕп вырăн кĕтет: Хĕрлĕ Тÿрем, Анне монуменчĕ, "Çĕнтерÿ" мемориал комплексĕ. Пĕтĕм Раççейри халăх пултарулăхĕн XX "Раççей çăл куçĕсем" фестивале çĕр-шывăн тĕрлĕ регионĕнчен тата чикĕ леш енчен 35 коллектив хутшăнать. "Шупашкар урамĕсенче рабочисем çул-йĕре юсаççĕ. Урамсемпе тăкăрлăксенчи ĕçсене июнĕн 20-мĕшĕччен вĕçлетпĕрех", – шантарчĕ тĕп хула пуçлăхĕ Л.Черкесов.

Июнĕн 24-мĕшĕнче "Шупашкар: 500 çул" паркра республикăри тĕп Акатуй иртет. Кунта çĕр-шывăн тĕрлĕ кĕтесĕнчен ентешĕмĕрсем те килсе çитĕç