Публикации » Хĕллеччен кĕтĕç

Раççейре училищĕне, колледжа тата лицее вĕренме кĕрес йĕрке улшăнчĕ.

Малтанхи пекех пуçламăш професси пĕлĕвĕ тÿлевсĕр пулĕ. Çĕнĕ правилăна пăхас-тăк, вĕренÿ учрежденийĕн 1-мĕш февральтен кая мар информаци стенчĕ çинче е сайтра профессисен шутне кăтартмалла, 1-мĕш июньтен кая мар пĕтĕмĕшле миçе вырăн пулнине пĕлтермелле, вăл шутра общежитинче те. Ку вăл ытти республикăсенчен, хуласенчен, районсенчен килекенсене пĕлме. Кÿртĕм экзамен пынă вăхăтра йышăнакан комисси кунсерен информацие çĕнетме тивĕç.Тата кашни вĕренÿ заведенийĕнче телефон линийĕ йĕркелеççĕ, çакă чĕнсе каланисене хурав пама май парĕ. Колледжа, училищĕне е лицее вĕренме кĕрес тесен документсене (заявлени, паспорт тата аттестат ксерокопийĕсене, тăватă сăн ÿкерчĕк) почта урлă та тăратма пултаратăр. Заявленисене август вĕçĕчченех йышăнма тивĕç. Классем, ушкăнсем тулса çитмесен – декабрĕн 25-мĕшĕччен.

Раççей колледжĕсенче ытти çĕр-шыв гражданĕсем те вĕренме пултараççĕ, анчах тÿлевлĕ майпа.