Публикации » Полиомиелитран – прививка

Республикăн тĕп санитари врачĕн йышăнăвĕпе килĕшÿллĕн апрель-май уйăхĕсенче районта 12 уйăхран пуçласа 36 уйăхченхи ачасене полиомиелитран прививка тăваççĕ.

2011 çулта прививкăсем тумалли Наци календарĕпе килĕшÿллĕн çулталăкри – икĕ çулхи ачасене асăннă чиртен вăхăтра прививка тăвасси районта 95 процентран сахалтарах пулнă.

Полиомиелит – нерв тытăмне сиенлекен инфекци чирĕ, шалкăм çапасси патне илсе çитерме пултарать. Организма çăвар урлă ерет те пыршăлăхра аталанать. Чирĕн малтанхи паллисем – пысăк температура, вăй пĕтни, пуç ыратни, ăш пăтранни, мăй хытса ларни тата ал-ура ыратни. Полиомиелит ытларах пилĕк çулчченхи ачасен пулать.

Полиомиелитпа чирлĕ çынна сыватма пулмасть. Унтан хÿтĕленмелли пĕр мел – вакцинаци.