Публикации » Уй-хирте

Район администрацийĕнчен пĕлтернĕ тăрăх, майăн 11-мĕшĕ тĕлне çурхи тĕш тырăсемпе пăрçа йышши культурăсене 1137 гектар акнă, плана 23 процент пурнăçланă. Палăртмалла, паянхи кун районти пур хуçалăхра та хĕрÿ ĕç çи пырать. Пуринчен малтан акана "Нива", "Коминтерн" ял хуçалăх производство кооперативĕсем тухнă. "Нива" хуçалăх тĕш тырăсемпе пăрçа йышши культурăсене акассипе планăн 66 процентне пурнăçланă, "Коминтерн" – 50 процентне.

Кĕр тыррисем районта 1350 гектар йышăнатчĕç, анчах та хĕл каçипе 877 гектарĕ пĕтнĕ, 355 гектар çинчисене апатлантарнă, сÿреленĕ.

5300 гектар çинчи нумай çул ÿсекен курăксене сÿреленĕ, 613 гектарне апатлантарнă.

Çак вăхăт тĕлне 1400 гектар çĕр акма хатĕрленĕ. Пĕр çул ÿсекен курăксене 24 гектар акнă.

Хăмла туса илессипе "Искра-хмель" 6 гектар çинче ĕç тунă, 1 гектар çинче хăмла çакнă.