Публикации » Астăвăм çурти

Фашизма тĕп тумашкăн пирĕн халăх хывнă тÿпе хакне нимĕнпе те виçеймĕн.

Пирĕн районти 8020 çын Тăван çĕр-шывăн Аслă вăрçине хутшăнса Çĕнтерĕве çывхартассишĕн хăюлăхпа паттăрлăх кăтартнă, вĕсенчен çурри юнлă çапăçу хирĕнчех выртса юлнă.

Майăн 8-мĕшĕнче 21 сехетре район ертÿçисемпе çамрăксем çĕр çинчи миршĕн тата янкăр тÿпешĕн çапăçнă, этемлĕх пуласлăхĕшĕн хăйсен пурнăçне шеллемен паттăрсене хисеп тунине çуртасем çутса çирĕплетĕç, вĕсене çĕнтерÿçĕ-салтак палăкĕ умне лартĕç.

Хисеплĕ вулаканăм, эсĕ те е санăн çемйÿ те, шăп çав асăннă вăхăтра вăрçăн йывăр çулĕсенче пуçĕсене хунă çывăх çыннăрсене – мăшăрсене, ывăл-хĕрсене, пиччесемпе шăллăмсене, атте-мăн асаттесене – асăнса çурта çутма пултаратăр.

Çурта вăл – астăвăм. Пире мирлĕ пурнăç парнелессишĕн куçне хупнă салтаксен паттăрлăхне асра тытасси – хальхи ăрăвăн тивĕçĕ.