Публикации » Сăвă вулакансен конкурсĕ

Майăн 3-мĕшĕнче культурăпа кану центрĕнче Истори çулталăкне, района 85 çул çитнине, Аслă Çĕнтерÿ кунне халалланă сăвă вулакансен фестиваль-конкурсĕ иртрĕ. Районти 14-17 çулхи çамрăксем хушшинче асăннă конкурс виççĕмĕш хут иртнине палăртмалла.

Шкул ачисем ытларах вăрçă, Çĕнтерÿ темипе çыхăннă сăвăсене вырăсла тата чăвашла вуларĕç. Жюри пĕтĕмлетĕвĕпе пĕрремĕш вырăн С.Доброва (Мăн Этмен шкулĕ, 8 класс) йышăннă, иккĕмĕш – О.Кузьмина (Мишеркасси, 9 класс) тата С.Фадеев (Питĕркасси, 9 класс), виççĕмĕш – Я.Владимирова (Тури Çĕрпÿкасси, 8 класс), И.Морозова (Хĕрлĕ Чутай, 11 класс) тата Е.Музякова (Хĕрлĕ Чутай, 8 класс). Çĕнтерÿçĕсене Дипломсемпе тата парнесемпе чысланă.