Публикации » Нумай ачаллисене – çĕр лаптăкĕсем

Пурлăхпа çĕр хутшăнăвĕсен министерстви пĕлтернĕ тăрăх 2012 çулхи январĕн 23-мĕшĕ тĕлне çĕр лаптăкĕсем пама республикăри вырăнти хăй тытăмлăх органĕсенче нумай ачаллă 1409 çемьене шута илнĕ. Кун пек çемьесем ытларах Шупашкар (637 çемье) тата Çĕнĕ Шупашкар (137) хулисенче, Шупашкар районĕнче (168).

Паянхи куна республикăри муниципаллă пĕрлешÿсенче нумай ачаллисене пама 944 çĕр лаптăкĕ йĕркеленĕ, çав шутра районта 15 çĕр лаптăкĕ: 10 çемье валли уйрăм çурт лартма, 5 – харпăр хăй хушма хуçалăхне тытса пыма. 518 çемьене çĕр лаптăкне тивĕçме ирĕк паракан сертификат панă. Районта 2011 çулта кун пек сертификата 7 çемье тивĕçнĕ.

Нумай ачаллисем çĕр лаптăкĕсемпе ытларах уйрăм çурт лартма усă курасшăн.