Публикации » Михаил Иванова (Некее) халалласа палăк лартасшăн

Тĕлĕнмелле çын – Е.Пугачев ертсе пынă хресчен вăрçинче палăрнă Некей – çинчен нумайăшĕ илтмен те пулĕ. Вăл Хурашаш ялĕнче çуралса ÿснĕ Михаил Иванов пулнă. Крепостла йĕркене тÿсме çуккине кура халăхпа пĕрле патша влаçне хирĕç тăнă хăюллă çынсенчен пĕри, кĕрешĕве тăнă чăвашсен паллă çул пуçĕ.

Некей ятне ĕмĕрлĕхех халăх асĕнче упраса хăварас тĕллевпе районта палăк лартма палăртнă. Çак шухăша районти депутатсем тата хĕрлĕчутайсен ентешлĕх Канашĕн членĕсем пăхса тухса ырланă.

Палăртма кăмăллă, Хусанти, Ульяновск облаçĕнчи чылай палăк авторĕ Николай Григорьевич Кондрашкин Некее халалланă пулас палăкăн тĕслĕхĕсенчен пĕрне хатĕрлесе çитернĕ. Çавна май палăка хăпартса лартмашкăн халăхран укçа-тенкĕ пухма йышăннă.