19 марта 2011 г.
ЧР Сывлăх сыхлавĕпе социаллă аталану министерстви пĕлтернĕ тăрăх, республикăн «Ачаллă граждансене патшалăх пособийĕсем тÿлесси çинчен» саккунĕпе килĕшÿллĕн ачашăн уйăхсерен пособи тÿлессине çирĕплетнĕ. Пособи виçине 54 позиципе ранжирланă, вăл çемьери ачасен йышĕнчен, вĕсен ÿсĕмĕнчен, çемье мĕнле категорире пулнинчен, çемьери кашни çынна тивекен тупăш виçинчен килет. Пособин никĕс шайĕнчи виçи – пĕр ачаллă çемьене 131 тенкĕ. Икĕ ачашăн – 164, виçĕ е ытларах ачашăн – 184 тенкĕ. Ачашăн уйăхсерен тÿлекен пособин чи пысăк виçи 1314 тенкĕпе танлашать.
Асăннă саккунăн 7.1 статйинче ЧР Министрсен Кабинечĕ çирĕплетекен индекс-дефлятора тĕпе хурса пособисене çуллен индексацилессине палăртнă
Источник: "Пирěн пурнăç"