18 сентября 2010 г.
Кĕр кунĕсем çитнине куллен туйса тăратпăр.Çакă выльăх-чĕрлĕх витисене хĕле хатĕрлемелли çинчен калать. Чылай хуçалăх ĕне выльăха хĕллехи тапхăрта хупса усрама витесене йĕркене кĕртсе çитернĕ ĕнтĕ. "Победа" ЯХПК-ри фермăра та платниксен бригади ĕçлет. Юсав ушкăнĕ витесен тăррисене, чÿрече рамисене, кормушкăсене, мĕн пур алăка йĕркене кĕртсе çитернĕ. Ĕнесене уçăлма кăлармалли картиш тавра çĕнĕрен карта тытса çавăрнă. Халĕ вĕсем хĕллехи тапхăрта тислĕк кăлармалли транспортер тата шăвармалли оборудовани ан чăхăмлаччăр тесе тимлеççĕ.
– Выльăх-чĕрлĕхе ăнăçлă хĕл каçарма апат çитмелле, – тет хуçалăх ертÿçи П.Любимов.
Источник: "Пирěн пурнăç"