Публикации » Клубсене юсаççĕ

17 июля 2010 г.

Хусанушкăнь ял тăрăхĕнче кăçал библиотека, клуб учрежденийĕсене тивĕçлĕ пек юсаса çĕнетессипе çине тăрса ĕçлеççĕ. Акă Тракушкăнчи тĕслĕх библиотека çурчĕн (ун пек вулавăшсем кунта виççĕ) çи виттине сăрланă, умне тротуар сарнă, çурт йĕри-тавра карта тытса çавăрнă, ăна сăрланă, шалта та йĕрке тунă. Çак ĕçсене вырăнти культура ĕçченĕсен вăйĕпе пурнăçланă. Хальхи вăхăтра II Хурашашри клубра ĕçсем пыраççĕ. Каламалла, клуб çурчĕ кивĕ. Унăн урай-маччи çĕрĕшнĕ. Ăна улăштарма шутлаççĕ. Çурт тăррине тĕпрен улăштарса çĕнетме палăртнă. Паян унта ĕçсем пуçланнă ĕнтĕ.

Источник: "Пирěн пурнăç"