Публикации » Янтти пыра ларать

Чăн каларăш çакă. Акă, иртнĕ çулхи декабрь уйăхĕнче каçпа Хусанушкăнь ял тăрăхĕнче пурăнакан Е. (1976 çулхискер), ниçта та ĕçлеменскер, Тракушкăнчи С.-сен кил хушшине саккунсăр кĕрсе «Минск» мотоцикл (6 пин тăраканскер) илсе тухнă. Урамра тĕке-тĕке чупса пăхнă, техника вырăнтан та хускалман, бакра бензинĕ пулман. Вара «каçхи ухутник» мотоцикла урамрах пăрахса хăварнă.

Йĕрке хуралçисем преступнике хăвăрт ярса илеççĕ. Мĕншĕн тесен Е. маларах çак кил хуçинчен вăйпа 1800 тенкĕ укçа кăларса илнĕ пулнă. Çакăн пек хăтланушăн «паттăра» РФ Уголовнăй Кодексĕн 161 статйин 2-мĕш пайĕн «г» пункчĕпе айăпланă пулнă. Тăна кĕмен çамрăк каллех С.-на шар кăтартма шутланă-тăр. Халĕ ăна РФ Уголовнăй Кодексĕн 30 статйин 3-мĕш пайĕпе тата 166 статйин 1-мĕш пайĕпе айăплаççĕ.

Кун хыççăн та çамрăка ăс кĕмĕ-ши?