Публикации » Юлташ, спортпа туслаш, эс пулăн ялан яш

Январĕн 29-мĕшĕнче Хусанушкăнь ял тăрăхĕн пуçлăхĕн А.Прауловăн пуçарăвĕпе вырăнта йĕлтĕр ăмăртăвĕ иртнĕ. Ăна Г.Иванов воин-интернационалиста халалласа йĕркеленĕ. Çанталăк сиввине пăхмасăрах спорта юратакансем старта тухнă. Спорт тусĕ – Ю.Савельев пенсионер тата чи çамрăк йĕлтĕрçĕ К.Фролов Ялав çĕкленĕ хыççăн çивĕч ăмăрту пуçланнă. 400 метрлă дистанцие парăнтарассипе хĕр ачасенчен Хусанушкăнь шкулĕн вĕренекенĕсем – Е.Самсоновапа О.Туйманова палăрнă. 800 метр чупассипе хĕрарăмсем хушшинче А.Макарована çитекенни пулман, 400 метр та вара – И.Пакрушована. 18-29 çулсем хушшинче М.Корчагина чи хастаррисенчен пĕри. Яшсенчен 800 метр чупса Д.Абрамовпа М.Смирнов аван кăтарту тунă. А.Самсонов 2 километра çил пек чупса тухса çĕнтерÿçĕ ятне çĕнсе илнĕ. Хĕрĕх çултан иртнĕ арçынсенчен Ю.Самсонов мала тухнă, утмăл çултан малараххисенчен – В.Харитонов.

Çĕнтерÿçĕсене ял тăрăхĕн пуçлăхĕ Хисеп грамотисемпе чысланă.