Публикации » Ачасем сахал çуралаççĕ

Иккĕмĕш е виççĕмĕш ача çуратнăшăн хĕрарăмсене амăшĕн капиталĕпе тивĕçтереççĕ пулин те, Хусанушкăнь ял тăрăхĕпе илсен, кунти демографиллĕ лару-тăру хальлĕхе савăнтармасть. Тĕслĕхрен, 2008 çулта кунти ялсенче (7 ялта) пурĕ 2160 çын пурăннă, 2009 çулта – 2075. Ку, паллах, ачасем сахал çуралнине, вилекенсен йышĕ ÿссе пынине пĕлтерет. Акă, иртнĕ çул I Хурашаш ялĕнче пĕр ача та çуралман. II Хурашашра вара 7 пепке кун çути курнă.

2010 çула кĕтĕмĕр ĕнтĕ. Ку таранччен кунти çемьесене пĕр «çĕнĕ кайăк» та вĕçсе кĕмен-ха. Вилекенсем те пулман. 2009 çулта çак тапхăрта икĕ ача çуралнă пулнă.

«Ача çуралсан ял пĕтмест», – теççĕ халăхра. Çамрăк мăшăрсен çемье йышне ÿстерсе пымалла.