Публикации » Иртнĕ çулхинчен ытларах

Район администрацийĕн ял хуçалăх пайĕнчен пĕлтернĕ тăрăх, хальхи вăхăтра хуçалăхсем пурĕ 1347 ĕне тытаççĕ. Сăмах май, ку вăл иртнĕ çулхи çак вăхăтринчен чылай сахалрах. Хальхи вăхăтра пĕтĕмĕшле сăвăм 10184 килогрампа танлашать е куллен кашни ĕне 7,6 килограмм продукци антарать. Çакă пĕлтĕрхинчен нумайрах. Сунă сĕтĕн 94 процентне патшалăха сутаççĕ.

«Свобода» колхоз фермин кăтартăвĕ чи лайăххи. Кунта ĕне пуçне куллен 10 килограмм сĕт сăваççĕ. «Коминтерн» коллективлă предприятин Атнарти ферми те ăнăçлă ĕçлет. Унти дояркăсем кашни кун вăтамран пĕр ĕне пуçне 11,7 килограмм продукци илеççĕ.

Шел пулин те, «Асамат» общество района каялла туртса пырать. Хуçалăхра ĕнесен йышне чакарса лартнă. Вĕсем сĕт сахал антараççĕ – талăкра 5,3 килограмм çеç. Çакă мĕн çинчен калать-ха; «Асамат» ертÿçисем выльăх-чĕрлĕхрен ытларах продукци илесси çине пÿрне витĕр пăхаççĕ.