Публикации » Депутатсен Пухăвĕн ларăвĕ

Июлĕн 30-мĕшĕнче район депутачĕсен Пухăвĕн черетлĕ ларăвĕ иртрĕ. Унăн ĕçне район пуçлăхĕ А.И. Криков тата Чăваш Республикин Президенчĕн администрацийĕн ĕç йĕркелĕвĕн управленийĕн начальникĕн çумĕ В.Г.Орлов хутшăнчĕç. Пухăннисем пурĕ 18 ыйту пăхса тухса сÿтсе яврĕç.

Малтанах райадминистрацин экономика, пурлăх тата çĕр хутшăнăвĕсен пайĕн начальникĕ Г.И.Ярлов районăн кăçалхи çур çулхи экономикăпа социаллă пурнăç кăтартăвĕсемпе паллаштарчĕ. Георгий Иванович лайăххисемпе пĕрлех çитменлĕхсем пирки те каларĕ. Çав вăхăтрах райпо, "Гидравлика" уçă акционерлă общество, 23 " аптека лайăх ĕçленине палăртрĕ.

Кун йĕркин иккĕмĕш ыйтăвĕпе район бюджечĕ 2009 çулта епле пурнăçланни çинчен райадминистрацин финанс пайĕн начальникĕ О.Музякова отчет туса пачĕ: 6 уйăхра 107639,7 пин тенкĕ тупăш пухăннă, 99540,7 пин тенкĕлĕх тăкакланнă.

Унтан депутатсем районти çĕрсене учета илес ĕçе вĕçлесси пирки калаçрĕç, район уставне тата «Хĕрлĕ Чутай районĕн 2009 çулхи бюджечĕ çинчен» депутатсен йышăнăвне улшăнусем кĕртрĕç. Устава улшăнусем кĕртмелли çĕнĕлĕхсемпе райадминистрацин юрисчĕ С.Н.Романов тата ЧР Президенчĕн администрацийĕн ĕç йĕркелевĕн управленийĕн начальникĕн çумĕ В.Г.Орлов паллаштарчĕç(кун пирки хаçатăн çитес номерĕсенче пĕлтерĕпĕр).

Малалла вĕсем наркотик тавра калаçрĕç, тĕп больница тÿлевлĕ пулăшу паракан хаксене йышăнчĕç, депутатсен регламентне çĕнĕлĕх кĕртрĕç, ял тăрăхĕсем хушшинчи «Çын тата çут çанталăк» халăх музейĕ» муниципаллă учрежденине В.Г.Толстой-Атнарский ячĕпе хисепленсе тăма пĕр саслăн йышăнчĕç. Çавăн пекех пухăннисем ЧР Президенчĕ патне райадминистрацин пуçлăхĕн çумне, обществăлла инфратытăм аталанăвĕн пайĕн начальникне Иван Лаврентьевич Хораськина, район администрацийĕн йĕркелÿпе тĕрĕслев тата кадрсемпе ĕçлекен пайĕн тĕп специалист-экспертне Альбина Михайловна Столярована, ачасемпе çамрăксен спорт шкулĕн тренерне Вячеслав Витальевич Дадюкова чылай çул тÿрĕ кăмăлпа ĕçленĕшĕн Чăваш Республикин Хисеп грамотипе наградăлама ыйтса çырмалла терĕç, II Хурашашри Николай Кузьмич Самсонова "Хĕрлĕ Чутай районĕн Хисеплĕ гражданинĕ" ят пама йышăнчĕç тата ыттине те сÿтсе яврĕç.