17 декабря 2008 г.
Çулталăк пуçланнăранпа (декабрĕн 16-мĕшĕ тĕлне) район территорийĕнче 35 хутчен «хĕрлĕ автан» авăтнă, пĕлтĕр çак тапхăрта 36 пушар пулнă.
Вутра 4 çын вилнĕ. Акă, декабрĕн 3-мĕшĕнче Тракушкăнь ялĕнче пысăк инкек пулнă – пушарта 1930 çулта çуралнă Зоя Афанасьевна Сундрякован пурнăçĕ вăхăтсăр татăлнă. Сăмах май, кил хуçи хĕрарăмĕ пĕчченех пурăннă, эрех-сăрапа аташман. Анчах çав кун 10 сехетре ун хуçалăхĕнче пушар тухнă – пÿрт ăшчикки çунма пуçланă, вут-çулăмра кинемей те вилнĕ. Экспертсем пушар тухнин сăлтавне тĕпчеççĕ.
Ялсенче пĕччен пурăнакан çынсен йышĕ ÿсет. Çавăнпа кÿршĕсен ун йышшисене асăрхаса тăрсан аван пулмалла. Çакă та пире инкекрен хăтарĕ.
Источник: "Пирěн пурнăç"