31 марта 2010 г.
Физика предмечĕ интереслĕ, çав хушăрах çăмăлах мар наука. Вăл çĕнни патне ăнтăлма ăнăçлă условисем туса парать, шухăшласа кăларассине аталантарать. Иртнĕ эрнере Мăн Этменти вăтам шкулта физика предмечĕпе пулнă наукăпа практика конференцийĕ шăпах вĕренекенсен творчествăлла ăнтăлăвне кăтартать. Конференцине хутшăннă ачасем "Тантал вази" конструкципе, "Атмосфера пусăмне тишкерни", "Архимед задачисем" тата ытти хăйсен ĕçĕсемпе паллаштарнă. Пĕтĕмлетÿ тăрăх, пĕрремĕш вырăна Мăн Этмен шкулĕнчи Д.Бродюкова, Çĕн Атикассинчи А.Петрейкин, Хусанушкăнчи Г.Осипов, Атнарти А.Кузьмин тухнă. Иккĕмĕш вырăна Мăн Этменти Ю.Дементьевпа И.Васильев, Ю.Офишкина, Питĕркассинчи Н.Мигушкина, Атнарти В.Шевченко тивĕçнĕ. Виççĕмĕш вырăна вара Питĕркасси шкулĕн вĕренекенĕсем Е.Эзенкинапа А.Федоров пайланă.
Источник: "Пирěн пурнăç"