Публикации » Тимсĕрлĕх инкек патне илсе çитернĕ

РФ прокуратури çумĕнчи Следстви комитечĕн следстви управленийĕн районсем хушшинчи Етĕрнери следстви пайĕ "Свобода" колхозăн 8" уйĕнче Анат Çĕрпÿкасси çыннин виллине тупнă фактпа следстви умĕнхи тĕрĕслев ирттерет. Тĕрĕслев вăхăтĕнче кăçалхи августăн 17-мĕшĕнче асăннă хуçалăхăн тĕрлĕ ĕçсене пурнăçлакан ĕçченĕ, транспорт хатĕрĕпе çÿреме ирĕксĕр юлнă пулин те, "МТЗ-80" тракторпа тата "Волга-2" косилкăпа вырма ĕçĕсене хутшăннă чух çав вăхăтра уйра пулнă арçын çине кĕрсе кайнă. Çак арçын кĕлетке шăмми чылай çĕрте хуçăлнине тата шалти органсем хытах сиенленнине пула инкек пулнă вырăнтах вилсе кайнă. Хальхи вăхăтра арçын çине тракторпа кĕрсе кайнă фактпа асăннă предприятинче тăрăшакансен ĕç сыхлавĕ тĕлĕшпе тĕрĕслев ирттерес енĕпе патшалăх ĕç инспекцийĕн сотрудникĕсене явăçтарнă. Унăн кăтартăвĕсем тăрăх РФ Уголовнăй Кодексĕн 143 статйин иккĕмĕш пайĕпе (хăрушсăрлăх техникин е ĕç сыхлавĕн ытти правилисене пăхăнма яваплă пулнă çын вĕсене пăсни тата çакă тимсĕрлĕхе пула çын пурнăçне вăхăтсăр татни патне илсе çитерни) уголовнăй ĕç пуçарас ыйтăва татса парĕç.