Публикации » Эстафетăра çĕнатикассисем малта

Иртнĕ эрнере районти тĕп стадиона çăмăл атлетикăна кăмăллакансем А.Николаев космонавт летчик çуралнăранпа 80 çул çитнине халалланă эстафетăна пуçтарăннă. 8-9 тата 10-11 классенче вĕренекенсем малти вырăнсене тивĕçессишĕн çивĕч кĕрешнĕ. Уйрăмах çĕнатикассисем дистанцисене ăнăçлă вĕçленĕ. С.Петрейкина тренер ертсе пыракан командăсем старта ăнăçлă пуçланă, финиша та пĕрремĕш çитнĕ. Ку хутĕнче вĕсем – абсолютлă чемпионсем. 8-9 классем хушшинчи кĕрешÿре иккĕмĕш вырăна Хĕрлĕ Чутай вăтам шкулĕн команди çĕнсе илнĕ. 10-11 классенче вĕренекенсен тупăшăвĕнче вара Мăн Этмен шкулĕн команди иккĕмĕш пулнă.

Эстафетăра палăрнă çăмăл атлетсем иртнĕ шăмат кун Шупашкарта «Советская Чувашия» хаçат парнине çĕнсе илессишĕн пулнă тупăшăва хутшăннă.