27 декабря 2008 г.
Район пуçлăхĕн йышăнăвĕпе декабрĕн 15-мĕшĕнчен пуçласа 25-мĕшĕччен районта смотр-конкурс ирттерме палăртнăччĕ. Çавна май комисси членĕсем (председателĕ – Т.Н.Шереметьева) ял тăрăхĕсене, предприятисемпе учрежденисене çитсе курнă, конкурса мĕнле хатĕрленнине тĕрĕсленĕ, пĕтĕмлетÿсем тунă.
Пĕтĕмлетÿсем çапла: Ял тăрăхĕсем хушшинче Çĕнĕ çула лайăх хатĕрленнисен шутĕнче Атнар ял тăрăхне палăртмалла, кунта каçхи сĕмре юмахри пек туйма пулать. Культура учрежденийĕсенчен Штанашри Культура çурчĕ пысăк хака тивĕç, Çĕнĕ çулпа йĕркеленĕ чи лайăх суту-илÿ залĕ – райпон Атнарти магазинĕ, вĕрентÿ учрежденисенчен – "Хĕвел" ача сачĕ, предприятисенчен – "Чăвашсетьгаз" УАОн "Моргашмежрайгазăн" районти участокĕ, уйрăм предпринимательсенчен – Я.М.Хорайкинăн "Мираж" кафе, çын пурăнмалли уйрăм çуртсенчен Атнар ялĕнчи Людмила Вениаминовна Кузьмина хуçалăхĕ тивĕçрĕ
Источник: "Пирěн пурнăç"