04 июня 2008 г.
Пирĕн хушăра ал ăстисем сахал мар. Сăмахран, Питĕркасси ялĕнчи Охливанкинсен çемйи тĕрлеме ăста. Елена тĕрлес ăсталăха амăшĕнчен Зоя Перепелкинаран вĕренсе пынă.
Вĕсен ĕçĕсене районти пасар территорийĕнче курма та, туянма та пулать. Калас пулать, Охливанкинсем хăйсен ĕçĕсемпе районта пулса иртекен тĕрлĕ куравсене те хутшăнаççĕ. Çавăн пекех республикăри конкурссенчен те пăрăнмаççĕ, унта вĕсем хăйсен ĕçĕсене тăратса тивĕçлĕ вырăн йышăнаççĕ. Акă, ĕнер, июнĕн 3-мĕшĕнче, Çемье çулталăкне халалласа Чăваш Республикинчи халăх пултарулăх çурчĕ ирттернĕ «Семейная мастерская» курав-конкурса хутшăнса Охливанкинсем Дипломпа асăнмалăх парнене тивĕçнĕ.