29 августа 2007 г.
Çулсеренех ял хуçалăхĕнче, промышленноçра, культурăра, вĕрентÿре, сывлăх сыхлавĕнче вăй хуракан тăрăшуллă çамрăксене район пуçлăхĕн премине парса чыслаççĕ. Кăçал кун пек чыс-хисепе 7 çамрăк тивĕçрĕç, вĕсене район тата сала юбилейĕсенче администрацин Хисеп грамотине тата преми пачĕç. “Чи çамрăк учитель, вĕрентÿ ĕçченĕ” номинацире Хĕрлĕ Чутай гимназийĕн аслă вожатăйне Анна Тихонована хакларĕç, “Чи çамрăк спортсмен” - Питĕркасси шкулĕн выпускникне Николай Мытина, “Производствăра, промышленноçра тимлекен чи çамрăк ĕçчен” - райпо тытăмĕнчи аптекăн заведующине Майя Козлована, “Чи çамрăк врач” - райбольницăн врач-терапевтне Зинаида Майорована, “Культурăра вăй хуракан чи çамрăк ĕçчен” - Питĕркассинчи тĕслĕх библиотекăн библиотекарьне Николай Чубайкина, “Право органĕн чи çамрăк ĕçченĕ” - шалти ĕçсен пайĕн милици лейтенантне Александр Балалайкина, “Ял хуçалăхĕн чи çамрăк ĕçченĕ” номинацире “Коминтерн” хуçалăхĕн ĕçченне Александр Абаськина палăртрĕç.
Источник: "Пирěн пурнăç"