10 декабря 2008 г.
Декабрĕн 3-мĕшне Пĕтĕм тĕнчери инвалидсен кунĕ тесе палăртнă. Çавна май пурнăçри тĕрлĕ сăлтавсене пула сусăр пулса юлнисен, инвалид йышне кĕнисен пурнăçне кăшт та пулин çăмăллатас, савăнăç кÿрес тĕлĕшпе пур çĕрте те уяв ирттереççĕ.
Акă, декабрĕн 4-мĕшĕнче республикăри «Инвалид çемйи» конкурса зонăри ăмăртусен çĕнтерÿçисем хутшăннă. Район чысне Питĕркассинчи Ермолаевсен çемйи хÿтĕленĕ. Виталий Михайловичпа Тамара Алексеевна ал ĕç тума ÿркенмеççĕ. Çемье пуçлăхĕ – ÿнерçĕ, кил хуçи хĕрарăмĕ тĕрлеме, çыхма ăста. Жюри членĕсем вĕсен кураври ĕçĕсене пысăк хак панă.
Çапла вара Ермолаевсем «Кил вучахне упракан çемье» номинацире çĕнтернĕ.
Источник: "Пирěн пурнăç"