01 февраля 2008 г.
Райпон хатĕрлев кантурĕ халăхран сĕт пухассине аван йĕркеленĕ. Çак ĕçе ялсенчи лавккасем урлă туса пыраççĕ. Кунпа пĕрлех 3 автомашина уйăрнă. Çапла вара куллен вăтамран 7 тонна таран сĕт пуçтараççĕ.
Халăхпа укçа-тенкĕпе татăлас ĕç те кал-кал пулса пырать. Çынсем вăтамран эрнере пĕр хутчен укçа илеççĕ. Çавăн пекех вĕсем лавккаран харпăр хăйне кирлĕ тĕрлĕ тавар туянма пултараççĕ.
– Хальхи вăхăтра эпир сĕт паракансене кашни килограмшăн 11 тенкĕ тÿлетпĕр, – тет хатĕрлев кантурĕн ертÿçи Е.В.Соловьев. – Сăмах май, сĕте кÿршĕ районсенче те çак хакпах йышăнаççĕ.
Источник: "Пирěн пурнăç"