27 ноября 2007 г.
Иртнĕ эрне кун райадминистрацин ларусем ирттермелли Пысăк залĕнче Аннемĕр кунне уявларĕç, хамăра кун çути парса тĕрĕс-тĕкел çитĕнтернĕ çыннăмăрсене хисеплесе саламларĕç, парнесемпе хавхалантарчĕç тата 4 çамрăк ача амăшне – Н.А. Столяровапа Н.Н.Сезяйкинана (Хĕрлĕ Чутай сали), А.А.Емельянована (Красный Яр), О.Н.Апалеевана (Хăмаркка) сертификат парса чысларĕç.
Телейлĕ амăшĕсене райадминистраци пуçлăхĕн çумĕ Т.Н.Шереметьева саламларĕ, Ача çулталăкĕнче “çĕнĕ кайăксене” тивĕçлĕ пăхса ÿстересси çине уйрăмах тимлĕх уйăрни, патшалăх 2 тата ытларах ача çуратакансене укçа-тенкĕпе пулăшни чăннипех пархатарлă ĕç тесе палăртрĕ, ырă пуçарусем хыççăн республикăра та, районта та демографиллĕ лару-тăру лайăх еннелле улшăннине каларĕ, амăшĕн капиталĕпе тĕллевлĕ усă курма ăнăçу сунчĕ.
Источник: "Пирěн пурнăç"