10 ноября 2007 г.
Милицин кĕçĕн лейтенанчĕ Евгений Михайлович Патьянов йĕркелĕх хуралĕнче кăçал ĕçлеме пуçланă. Вăл çул çитмен çамрăксене йăнăш тăвасран асăрхаттарас, вĕсемпе профилактикăлла ĕçсем ирттерес енĕпе тăрăшать, сывă пурнăç йĕркине пропагандăлать. Е.М.Патьянов хăй те пултаруллă спортсмен, ыттисене те çапла пулма сĕнет.
Паянхи кун ун патĕнче профилактикăлла учетра 30 çамрăк тăрать, вĕсенчен 3-шĕ – условнăй майпа айăпланнисем. Кăçал çул çитмен çамрăксем 17 преступлени тунă, иртнĕ çул çак тапхăрта 5 тĕслĕх пулнă.
С.М.Патьянов шкулти педагогсемпе, ашшĕ-амăшĕсемпе çыхăну тытса çул çитмен яш-кĕрĕмпе хĕр упраçа тĕрĕс çул çинчен пăрăнасран хăтарассипе сахал мар ĕçлет: пĕрле рейдсем, шкулта пухăнса калаçусем ирттереççĕ.
Çамрăк милиционера малашлăхра ăнăçу сунас килет.