14 июня 2007 г.
Кăçал Чăваш Ен Президенчĕн грантне илме шкулсемпе пĕрлех ача сачĕсем, професси училищисем тупăшăва тухрĕç.
ЧР Вĕрентÿ министерствин кăтартăвĕсем тăрăх, республикăри ача сачĕсен 32 воспитателĕ 10 пин тенкĕпе танлашакан премие тивĕçме заявка тăратнă. Пирĕн районти воспитательсем те, “Хĕвел” ача садĕнчи Юлия Геннадьевна Матвеевапа “Пилешри” Надежда Григорьевна Гусельщикова тупăшăва хутшăннă. Конкурс комиссийĕ çĕнтерÿçĕсене июнь уйăхĕн вĕçĕнче палăртĕ.
Районти ача сачĕсем çавăн пекех республикăра иртекен “Ача-пăча учрежденийĕсен территорийĕсене тирпей-илем кÿресси” проекта хутшăннă. Калас пулать, “Пилеш” ача сачĕ хăйĕн хăтлăхĕпе, илемлĕхĕпе конкурс комиссине килĕшнĕ, вăл хальлĕхе лайăххисен йышне кĕнĕ. “Пилеш” ача-сачĕн финала çитмелле, 15 пин тенкĕне çĕнсе илмелле пултăр.
Источник: "Пирěн пурнăç"