19 января 2013 г.
Çулсерен республикăри пултаруллă çамрăксене Чăваш Ен Пуçлăхĕн Михаил Игнатьевăн стипендине параççĕ. Кăçал та талантлă, мал курăмлă 1000 яшпа хĕр упраç çак чыса тивĕçнĕ. Вĕсем хушшинче пирĕн районти çамрăксем те пур. Питĕркассинчи вăтам шкулта вĕренекен Юрий Вазин, Хĕрлĕ Чутайри искусство шкулĕнче пĕлÿ илекен Екатерина Мурайкина, Хĕрлĕ Чутайри вăтам шкулта ăс пухакан Татьяна Полозина, "Нива" ЯХПК-ра выльăх пăхакан Марина Скворцова, Чăваш патшалăх педагогика университечĕн виççĕмĕш курс студентки Валентина Улянды, Питĕркассинчи вăтам шкулта вĕренекен Сергей Фадеев, Чăваш патшалăх педагогика университечĕн тăваттăмĕш курс студенчĕ Михаил Чемалинов çулталăк тăршшĕпе уйăхсерен 1830 тенкĕ илсе тăрĕç.