09 октября 2013 г.
"Тăван çĕр ывăлĕсем" ятпа офицерсен тухса çÿрекен пухăвĕ иртнĕ октябрĕн 5-мĕшĕнче Сĕнтĕрвăрри районĕнче.
Ăна "Раççей Федерацийĕн гражаднĕсен патриотизмла воспитанийĕ" патшалăх программине пурнăçа кĕртсе йĕркеленĕ. Асăннă мероприяти вăхăтĕнче Сĕнтĕрвăрринчи спорткомплексра "Тăван çĕр-шыва хÿтĕлеме хатĕрленетпĕр" ятпа республикăри кадетсемпе çамрăк армеецсен смотр-конкурсĕ иртнĕ. Етĕрне, Вăрнар, Хĕрлĕ Чутай, Сĕнтĕрвăрри, Канаш, Çĕрпÿ, Шупашкар районĕсенчи тата Шупашкарпа Çĕнĕ Шупашкар районĕсенчи 14 команда пилĕк номинацире тупăшнă: стройпа утнă, Тăван çĕр-шыв историне мĕнле пĕлнине кăтартнă, Калашников автоматне сÿтсе пухнă, вăй-хал хăнăхтарăвĕсене тунă, бал ташши ташланă. Хĕрлĕ Чутай шкулĕнче 8-мĕш класра вĕренекен кадетсем автомат сÿтсе пухассипе чи маттуррисем пулнă, Кубока тивĕçнĕ. Командăсен пĕтĕмĕшле ăмăртăвĕн кăтартăвĕсемпе вара 2-мĕш вырăна тухнă.
А.КАРПОВА.