19 августа 2013 г.
Аслă Отечественнăй вăрçă ветеранĕсене кил-çуртпа тивĕçтерес ĕç районта малалла пырать.
Августăн 1-мĕшĕ тĕлне кил-çурт условийĕсене лайăхлатма учета районти 250 вăрçă ветеранне тата çапăçура вилнĕ паттăрсен çемье членĕсене илнĕ, вĕсенчен 239-не пурăнмалли çуртпа тивĕçтернĕ. Палăртмалла, кил-çуртлă пулнă граждансене учета 2013 çулхи апрелĕн 22-мĕшĕччен илнĕ. Асăннă категорири сакăр гражданина хальлĕхе кил-çуртпа тивĕçтереймен, мĕншĕн тесен вĕсене 2013 çулхи апрелĕн 22-мĕшĕ хыççăн тин учета тăратнă.
Çитес вăхăтра вĕсем те кил-çуртлă пулĕç. Асăннă юхăмпа вырăнти хăй тытăмлăх органĕсем ĕçлеççĕ.
А.ВЛАДИМИРОВА.