Публикации » Амăшĕн чĕри

"Аннерен хакли Çук", – теççĕ халăхра. Амăшĕн ăшшипе ачашлăхĕ, ырăлăхĕпе ăнланулăхĕ ачисен чĕрисене сÿнми çутă пек ăшăтать. Хăйне шеллемесĕр, тĕпренчĕкĕсене ачашласа та юратса çитĕнтернĕ амăшĕ ырă сăмаха кăна тивĕç. Акă, Пчелка ялĕнче пурăнакан Зинаида Игнатьевна Кудряшова 4 хĕрне ăс-тăн парса ÿстернĕ, пурнăç çулĕ çине тăратнă. Халĕ унăн хĕрĕсен – Валентина Ярабаеван, Светлана Орлован, Лилия Ермолаеван, Таисия Серинан – кашнин хăйĕн çемйи пулин те амăшĕн чĕри çаплах вĕсемшĕн тунсăхлать: хуйхă-суйхăпа чир-чĕрсĕр вăрăм та сарлака çулпа утчăр, пурте çĕршер çул пурăнччăр тет. Кукамăшне савăнмалăх мăнукĕсем ÿсеççĕ. Хăйне манманшăн, пулăшнăшăн хĕрĕсене пурнăçра Турă пулăшса пытăр тесе кĕл тăвать амăшĕ.

Сăмах май, район хаçачĕпе те туслă З.Кудряшова, ăна тахçантанпах çырăнса вулать.

Паян Зинаида Игнатьевна 70 çул тултарать. Юбилей ячĕпе саламласа ăна ырлăх-сывлăх та телей, ăнăçу сунатпăр. Ачусемпе, мăнукусемпе савăнса тата та нумай çул пурăнмалла пултăр.